Амжилтанд хүрсэн хүмүүсийн “унтахаасаа өмнө хийдэг – 6” хэвшил

Дэлхийн манлайлагчдын эгнээнд яваа хүмүүс орой унтахынхаа өмнө ямар ямар зөв хэвшлийг өөртөө төлөвшүүлсэн байдгийг мэдэж аваад амьдралдаа хэрэгжүүлцгээе. Ингэснээр таны сэтгэл санаа болон ажлын бүтээмж тань эрс сайжирна хэмээн итгэж байна.

1. Билл Гейтс: Нэг цаг ном унших

01

Майкрософт компаний захирал Билл Гейтс унтахынхаа өмнө тогтмол нэг цаг ном уншдаг гэнэ. Өдөр бүр ном унших нь мэдлэгийг тэлж, стрессийг бууруулахаас гадна ой тогтоолтыг сайжруулдаг. Түүнчлэн тогтмол ном унших нь оюун ухааны дасгал болдог учраас тархины эрүүл байдлыг удаан хугацаагаар хадгалахад чухал хувь нэмэртэй.

2. Арианна Хаффингтон: Электрон хэрэгслүүдээ салгах

02

“Huffington Post” вебсайтын захирал Арианна Хаффингтон тархины гэмтлийн улмаас эмнэлэгт хэвтэж байхдаа орой бүр унтахынхаа өмнө электрон хэрэгслүүдээ салгаж заншжээ. Ингэснээр сэтгэл санаа нь илүү тайван болж биеийн байдал нь дээрдсэн байна. Харвардын их сургуулийн эрдэмтэд компьютер, гар утас зэргээс цацардаг туяа нь хүний нойрны хэвийн үйл явцыг алдагдуулдагийг тогтоожээ.

Тэрхүү хурц туяа тархинаас ялгарах нойрны гормоныг саармагжуулснаар тайван унтаж амрахад ихээхэн сөрөг нөлөө үзүүлдэг ажээ. Иймээс унтахдаа бүх электрон хэрэгслээ унтраагаад, өөрөөсөө хол тавьж байх нь хамгийн сайн шүү.

3. Жоэл Гаскойн: Алхах

03

“Buffer” компаний гүйцэтгэх захирал Жоэл Гаскойн орой болгон гадуур салхилангаа ажлынхаа стресс ядаргааг тайлж хэсэг хугацаанд алхдаг ажээ. Ийнхүү өдөр тутам тогтмол алхаж занших нь гайхалтай эерэг үр дүнтэй гэдгийг судалгаагаар ч нотолсон байдаг. Тухайлбал бүтээлч байдлыг нэмэгдүүлэхэд алхалт чухал нөлөөтэй гэнэ.

Учир нь алхах үед оюун санаа амарч, илүү чөлөөтэй сэтгэдэг ба шийдвэрлэхэд хүндрэлтэй асуудлын хариултыг олоход хүртэл түлхэц болох нь бий ажээ. Хэрэв танд гадуур алхах боломж хомс байгаа бол унтахынхаа өмнө хөнгөн дасгал хөдөлгөөн хийж маргаашийнхаа эрч хүчийг нэмэгдүүлсэн ч болох юм.

4. Опра Уинфри: Бясалгал хийх

04

Хатагтай Опра Уинфри хэдийгээр маш давчуу цагийн хуваарьтайгаар ажилладаг ч завгүй өдрийнхөө төгсгөлд заавал бясалгал хийдэг. Түүний хэлснээр ажлын стрессээ тайлж, оюун санаагаа цэгцлэхэд бясалгалаас илүү үр дүнтэй арга байхгүй гэнэ. Үнэхээр ч энэ нь үнэн гэдгийг 2014 онд 19 мянган хүнийг оролцуулсан томоохон туршилтаар баталжээ.

Тогтмол бясалгал хийсэн тэдгээр хүмүүсийн бухимдал нь багасч, санаа зовнихоо больж илүү өөдрөг, тайван болох зэргээр бүгдэд нь илэрхий өөрчлөлт гарсан байна. Тиймээс бясалгал хийх нь сэтгэл, оюунаа чөлөөлж өдөр бүхэн шавхагдашгүй эерэг энерги, эрч хүчээр цэнэглэгдэх чухал арга юм.

5. Вера Вонг: Бүтээлч байх

05

АНУ-ын загвар зохион бүтээгч Вера Вонг “Fortune Magazine” сэтгүүлд өгсөн ярилцлагадаа унтахынхаа өмнө загварынхаа ерөнхий дүрслэлийг гаргадаг бөгөөд тэдгээр нь их амжилттай болж чаддаг хэмээн ярьжээ. Ер нь шөнө оройн цагаар тархины бүтээлч үйл ажиллагаа эрчимждэгийг зарим судалгаа харуулсан
байдаг.

Хэдийгээр та урт өдрийн эцэст ядарсан ч гэсэн ямар нэг бүтээлч зүйл хийх, шинэ санаа олох зэргээр тархиа ажиллуулснаар сэтгэхүйн зөв дасгалжуулалт болж чаддаг ажээ. Гэхдээ бүтээлч ажлаа дуусгаад эртхэн унтаж амрах хэрэгтэй
гэдгийг бас санаарай.

6. Кеннет Шено: Маргаашийн ажлаа төлөвлөх

06

“American Express”-ийн гүйцэтгэх захирал Кеннет Шено унтахынхаа өмнө маргаашийн ажлаа төлөвлөж хэвшжээ. Тэрбээр төлөвлөгөөгөө тун энгийн байдлаар гаргадаг бөгөөд маргааш хийх хамгийн чухал гурван ажлаа тэмдэглэдэг. Ингэснээр өглөө босоод цаг алдалгүйгээр чухал зүйлсээ хийж эхэлдэг ажээ.

Ерээд оны нэгэн судалгаагаар коллеж төгсөгчдийн дундаас өдөр тутам хийх ажлаа төлөвлөдөг хүмүүс дөрвөн жилийн хугацаанд бусдаасаа хол давуу амжилтанд хүрснийг тогтоожээ. Цаг хугацаа бол бидэнд заяасан хамгийн нандин эрдэнэ учраас үүнийг үр бүтээлтэйгээр ашиглахын тулд зорилго, төлөвлөгөөтэй амьдрах нь хамгийн чухал билээ.


АНХААРУУЛГА: Уншигчдын бичсэн сэтгэгдэлд Ontslog.COM сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй!

error: Content is protected !!