in ,

Эр нөхрөө ажлаасаа ирэхэд бүсгүй хүн хэрхэн угтаж авах ёстой вэ?

Хүнд өгч болох мөн авч болох хамгийн том бэлэг бол хайр сэтгэл гэдэг. Бусад бүх зүйлийг тухайн хүнийхээ сонирхолд тохируулаад худалдаад авчихаж болно шүү дээ. Бүсгүй та эр нөхрөө ажлаасаа тараад ирэхэд хэрхэн угтдаг вэ? Хамтдаа байх өдөр бүхэн бэлэг учир хайртай залуугаа гэртээ ирэхэд нь ингэж угтаж байгаарай.

– Оройн хоолоо бэлдэх. Хоол тань амттай байхаас гадна урьд өдрийнхөө хоолыг дахин давтаж хийхгүй байхыг зөвлөе. Ажлаасаа тараад ядарч ирсэн нөхрийгөө эхнэр нь халуун хоол цайтай угтвал сайхан санагддаг.

– Хайртыгаа ирэхэд бэлдэж өөрийгөө янзалж, аятайхан харагдах хэрэгтэй. Учир нь хар хүн тань өдөржингөө ядарсан хүмүүстэй ажилласан болохоор цовоо сэргэлэн царайг харах шиг сайн зүйл үгүй.

– Гэрийн доторх эд хогшил байрандаа байгаа эсэхийг шалгаж үзэх. Эмх цэгцгүй байдал нь гаднаас орж ирж буй хүнд тайван бус сэтгэгдэл төрүүлэх болно.

– Хоол идэх гэж байгаа үед ширээн дээрх хэрэггүй эд зүйлсийг хурааж авах. Учир нь тав тухтай, тайван хооллоход тодорхой хэмжээгээр саад болдог.

– Хүүхдүүдээ цэвэрхэн хувцастай байлгах. Учир нь хүүхэд хайртын тань хувьд бас нэгэн эрдэнэ шүү дээ. Халтар царайтай, хиртэй хувцастай хүүхдээ хараад ямар сэтгэл төрөх бол?…

– Үргэлж нүүр дүүрэн инээмсэглэлээр хайртыгаа угтаж байх. Энэ нь түүнийг хараад баяртай байгаа сэтгэлийн нэг илэрхийлэл болж өгдөг.

– Өнөөдөр ямар сонинтой байснаа ярихыг нь хүлээ. Учир нь түүний яриа таныхаас чухал байж мэдэх юм. Анхааралтай сонсож, урамшуулж байх хэрэгтэй.

– Хайртыгаа оройтож ирсэн үед нь зэмлэж буруушаах хэрэггүй. Эхлээд яагаад ингэж оройтож ирэх болсноо өөрөө ярихыг нь хүлээгээрэй. Иймд түрүүлж уурлахаа урьтал болгохгүй байх нь зүйтэй.

– Сайн эхнэр үргэлж өөрийнхөө байрыг мэддэг.

“Mongolia’s next top model” шоу нэвтрүүлгийн талаар Б.Цэрэндолгор ингэж хэлжээ

Бяцхан Энжи-ийн “Зүгээр л инээмсэглэ” дууны клип цацагдаж цахим ертөнцийг байлдан дагууллаа