in

Хөөрхөн Харамсал Тэнэглэл Инээдтэй Буруу Гайхмаар

Ходоодны хорт хавдрын үед илрэх 6 шинж тэмдэг

Хүний ходоод хэвлийн аюулхай хэсэгт байрлах агаад идсэн хоол хүнсийг хүлээн авч задалж боловсруулах үүрэгтэй эрхтэн билээ.

Ходоодны хавдар гэдэг нь түүний хананд байрладаг шүүс ялгаруулах үүрэгтэй булчирхайлаг эсийн гаж ургалтаас үүсдэг эмгэг өөрчлөлт юм. Эмнэлгийн нэршил нь ходоодны Аденокарцинома.

Өнөөдөр бид та бүхний эрүүл мэндэд зориулан, ходоодны хорт хавдрын үед илрэх, тоолгүй өнгөрч болохгүй шинж тэмдгүүдийг хүргэхээр бэлтгэлээ.

1. Хүндрэх болон огих үед цус гарах

Ходоодны хорт хавдар туссан болохыг илтгэх түгээмэл шинж тэмдгүүдийн нэг бол, хүндрэх болон огих үед цус гарах явдал юм. Түүнчлэн өтгөн тань хүрэн, эсвэл тас хар өнгөтэй байх бөгөөд огих үед гарах цус час улаан өнгөтэй байдаг болохыг “American Cancer Society”-ийн доктор Сарпел (Sarpel) гэх эрхэм олж тогтоожээ.

2. Хоолны дуршил буурах

Танд эхлээд өлсөж байгаа мэдрэмж төрнө. Гэвч юм идэж байх үед тань гэнэт хоолны дуршил буурч, ямар ч юм идэхийг хүсэхгүй болох бөгөөд энэ шинж тэмдэг илэрч байвал, ходоодны хорт хавдар туссан байх магадлалтай болохыг мэргэжлийн эмч нар хэлж байна.

3. Хэвлийгээр хүчтэй хатгуулж өвдөх

Таны хэвлийгээр хатгуулж өвдөөд байвал, энэ нь ходоодны хорт хавдрын шинж тэмдэг байх нь бий. Энэ нь ходоод гэдэс зовиурлаж буйтай холбоотой аж. Түүнчлэн өвдөлт нь нэг хоног бус, нэлээн хэдэн хоног, цаашлаад 7 хоногоор мэдрэгддэг аж.

4. Шалтгаангүйгээр жин хасах

Нэгдүгээр зэргийн чихрийн шижин өвчин, “Эддисон” болон “Крон”-ын өвчингүүдийн үед хүн их хэмжээгээр жин хасдаг. Эдгээрээс гадна, ходоодны хорт хавдар туссан үед их хэмжээгээр жин хасдаг байна. Иймээс та ямар ч шалтгаангүйгээр жин хасаад эхэлвэл, тоолгүй өнгөрч хэрхэвч болохгүй юм. Ихэнх тохиолдолд ходоодны хорт хавдар туссан хүмүүс сүүлийн 6 сарын хугацаанд ойролцоогоор 4-5 кг-аар турдаг аж.

5. Цээж хорсох

Цээж хорсох, хоол боловсруулах эрхтний тогтолцоо алдагдах нь ходоодны хорт хавдар туссаныг илтгэх шинж тэмдгүүдийн нэг болохыг “Anderson Cancer Center at the University of Texas”-ийн эмч нар олж тогтоосон байна. Иймд дээрх шинж тэмдэг танд илэрсэн бол, мэргэжлийн эмчид хандаж, өвчнийг улам хүндрэхээс нь сэргийлээрэй.

6. Хэвлий хийгээр дүүрэх, суулгах болон өтгөн хатах

Дээр дурдсанчлан хоол боловсруулах эрхтний тогтолцоо алдагдаж, улмаар хэвлий хийгээр дүүрэх, суулгах, өтгөн хатах зэрэг шинж тэмдгүүд илэрдэг байна.

Мөн дараах шинж тэмдгүүд илэрнэ. Үүнд:

  • Ядрах
  • Хоол идсэний дараа аюулхайд цанхайх
  • Бага хоол идсэн хэдий ч амархан цадсан мэт санагдах
  • Цээж хорсох
  • Хоолны шингэц муудаж бөөлжүүлэх
  • Удаан хугацаагаар дотор муухайрах
  • Ходоод өвдөх
  • Хоолны дур буурах ялангуяа маханд дургүй болох нь бий
  • Турах
  • Өвчүүний ар талд горойх
  • Гэдэс гүйлгэх

Эдгээр шинж тэмдгүүд ойр ойрхон, олон хоногийн турш илэрвэл, мэргэжлийн эмчид хандана уу.

 Хэрхэн урьдчилан сэргийлэх вэ?

  • Амьдралын суугаа хэвшлээс татгалзаж спортоор тогтмол хичээллэх
  • Жимс хүнсний ногоог хүнсэндээ түлхүү хэрэглэх
  • Давсны хэрэглээг бууруулах, утсан хүнснээс зайлсхийх
  • Тамхинаас татгалзах
  • Урьдчилан сэргийлэх (эрт илрүүлэгийн) үзлэг, оношилгоонд жил тутам хамрагдах
  • Дур мэдэн ходоодны хүчил бууруулах эм уухаас татгалзах
  • Хеликобактерийн халдварыг устгах эмчилгээ хийлгэх

Гоо сайхны мэс засал хийхгүйгээр уруулыг хэрхэн дур булаам, зузаан болгох вэ?

Цагаан үснээсээ үүрд салах шилдэг арга! Дахиж үсээ будах хэрэггүй боллоо