in

Хөөрхөн Харамсал Тэнэглэл Инээдтэй Буруу Гайхмаар

Нурууны булчин суллах 7 дасгал. Маш хурдан үйлчилж үр дүнгээ өгнө!

Шөнө унтаж чадахгүй эвтэйхэн байрлал олох гэж хөрвөөсөөр байтал өглөө болж байна уу? Тэгвэл та дасгал хийх хэрэгтэй болжээ. “Орой юу?” гэж та асуух гэж байна уу? Тийм ээ, орой. Бидний санал болгох дасгал оюун санааг тайвшруулж, бие махбодийг суллах болно.

Жишээ нь, “нуруугаараа савлах” дасгал нь нурууны булчинг сунгах, булчингийн прессийг хөгжүүлэх, биеийн тэнцвэр авах чадварыг нэмэгдүүлнэ. Хэрвээ та дасгалыг тогтмол, зөв хийж чадвал үр дүн нь тун удахгүй танд мэдрэгдэнэ.

1. Баласана – хүүхдийн байрлал

Биеэ суллахад нөлөөлнө: нүд, нуруу, мөр. Өвдгөөрөө сөгдөж суугаад цээжээ өвдөг рүүгээ доошлуулна, толгойгоо аль болох шаланд хүргээрэй. Гар их биеийн дагуу байрлалд. Биеэ суллан гүнзгий амьсгална.

2. Утката конасана – бурхны байрлал

Таазны үе мөч болон цээжний булчинд сайнаар нөлөөлнө. Мөн хөлийн булчинг чангална. Шээс болон бэлэг эрхтэн, амьсгалын замын эрхтнүүд, зүрх судасны системийн хэвийн үйл ажиллагааг дэмжинэ. Нурууны булчинг чангална. Нуруугаараа хэвтээд гараа алдлан хэвтээрэй. Хөлийн улыг нийлүүлэхдээ өвдгөөрөө хоёр тийш нугална. Хэр удаан хэвтэж чадах хүртлээ л хэвтэнэ. Гүнзгий амьсгалаарай.

3. Нуруугаараа савлах

Газар хэвтэнэ, хөлөө өвдгөөр нь нугалаад хоёр гараараа барина. Хөлийн улыг шалнаас салгаж тэнцвэрээ бариарай. Онцын аюултай мэдрэмж төрөхгүй бол нуруугаа зөөлөн савлаарай.

4. Супта Матсиендрасана – хэвтээгээрээ эргэлдэх

Бэлхүүстэй болохыг хүсэж байгаа бол та энэ дасгалыг хийгээрэй. Мөн нуруу, тааз, хүзүү орчмын булчинг суллана. Дасгалыг хийхдээ зөвхөн эмчийн заавраар хийхийг зөвлөж байна. Нуруугаараа дээш харан хэвтээд, гараа хоёр тийш алдлана.

Гар мөртэй нэг шулуунд байрлахаар тавина. Зүүн хөлөө өргөөд нугална. Мөр, гар болон баруун хөлийг шалнаас салгахгүйгээр баруун тийш эргэнэ. Зүүн өвдгөө аль болох шаланд хүргэхийг хичээгээрэй. Толгойгоо зүүн тийш болгоно. Энэ байрлалд нэг их удахгүй. Эргээд бэлтгэл байдалдаа ирнэ. Одоо баруун талаараа дасгалыг гүйцэтгэнэ.

5. Матсиасана – загасны байрлал

Анхлан суралцагчдад тохиромжтой дасгал. Нуруугаараа хэвтээд тохойн дээрээ ачааллаа авч цээжин биеэ өргөнө. Толгойгоо бага зэрэг хойш унжуулна. Энэ байрлалд 10 удаа амьсгалаа авч, гаргана. Эхлэл байрлалд ирнэ.

6. Капотасана – тагтааны байрлал

Дөрөв хөллөнө. Зүүн өвдгөө аажим урагш гаргаж ирээд гарыг нэг түвшинд авчирна. Баруун хөлөө аажим хойш тавина. Та зураг дээр байгаа байрлалд очсон байх ёстой. Нуруугаа тэгш байлгана. Энэ байрлалд 10 удаа амьсгалаа авч, гаргана. Хөлөө ээлжлэн дасгалыг гүйцэтгэнэ.

7. Пашчимоттанасана – хөл рүүгээ сунах дасгал

Шалан дээр суугаад хөлөө шулуун байлгана. Хөлийн өлмийг өөр рүүгээ татна. Гараа аль болох хөлийн үзүүрт хүргэхийг хичээнэ. Нурууны булчинг сунгахын тулд нуруугаараа хойш урагш болж халаана.

Хэсэг амраагаад гараа хөлийн үзүүр рүү сунгана. Энэ байрлалд 10 удаа амьсгалаа авч, гаргана. Эдгээр гайхалтай дасгалууд нурууны булчинг суллахад тус болж тайван унтахад нөлөөлнө. Та бусадтайгаа хуваалцаарай.

Үүнийг түрхээд буурал үсэнд баяртай гэж хэлээрэй!

Осоржамаа: Эмэгтэй хүний хувцас өмсөөд солиотой юм шиг гарч ирсэн маань ийм учиртай…