Junior
Бид та бүхэндээ үргэлж гэртээ бэлтгэж болох амттай зүйлсийн жорыг хүргэдэг билээ. Энэ удаад интоорын компот хийх аргыг зааж өгөхөөөр бэлтгэлээ. 3 өөр төрлийн интоорын компот бэлтгэх аргыг зааж өгөх тул та аль өөрт таалагдсангаа сонгож хийгээрэй. Үнэхээр амттай болох төдийгүй хийхэд хялбархан.
Интоорын компот
Орц:
- Ус
- Элсэн чихэр – 300 гр
- Интоор – 800 гр
Саванд ус хийж халаан, элсэн чихрээ хийж уусгаарай. Дээр нь интоороо хийж, 5-10 минут буцалгана. Ингээд компотоо хөргөж, таглаж тавиарай. Дараа нь та хүссэнээрээ идэж болох юм.
Интоор болон чангаанзны компот
Орц:
- Ус
- Элсэн чихэр – 200-300 гр
- Интоор – 600 гр
- Чангаанз – 200-300 гр
Усаа халааж, элсэн чихрээ хийж уусгаарай. Дээр нь чангаанз болон интоороо хийж, 5-10 минут буцалгана. Дараа нь гал дээрээс авч хөргөөд, идэж болох юм.
Алим, интоорын компот
Орц:
- Ус
- Элсэн чихэр – 300 гр
- Алим – 2-3 ширхэг
- Интоор – 600-700 гр
Саванд усаа хийж халаагаад, элсэн чихрээ хийж уусгана. Дээр нь хэрчсэн алим болон интоороо хийж, 5-10 минут буцалгаарай. Ингээд компотоо хөргөж, идэж болох юм.
