Жүжигчин П.Шүүдэрцэцэг: Монгол цус гэж байхгүй! Үүнийг мэдэж ав! Би гадаад хүнтэй сууна гэж 14 жилийн хүсэж мөрөөдөж байсан нь үнэн!

Эрдмийн зэргээ дээшлүүлэхээр АНУ-ыг зорьсон жүжигчин П.Шүүдэрцэцэг Монголдоо ирээд нэг жил болсон. Энэ хугацаанд уран бүтээлдээ шамдсан бөгөөд үүнийхээ хажуугаар хувийн амьдралаа ч төвхнүүлээд авчээ. Тэгвэл жүжигчин бүсгүй саяхан нэгэн хэвлэлд өгсөн ярилцлагадаа сүй тавьснаа зарлалаа. Тэрээр “Би нөхөртөө анхны харцаар дурласан. Нөхөр минь миний 13 жил хүсч мөрөөдсөн хүн яг мөн… Бид ирэх жил хуримаа хийхээр төлөвлөж байгаа” хэмээн ярьсан юм.

Тэгвэл жүжигчин бүсгүй өөрийн цахим хуудсаар дамжуулан дараах зүйлсийг бичжээ.

“Олон хүн олон юм ярихаас нь өмнө нэг зүйлийг хэлье гэж бодлоо. !!!

Өөрийн бодлоо өөртөө л үлдээ таны бодол бусдын хэн нэгний амьдралд өчүүхэн ч нөлөө үзүүлэхгүй!

Хүн бүхний хүсэл дураар амьдрал шийдэгддэггүй гэдгийг гэр бүлтэй хүн болгон мэдэх байлгүй!!!

Монгол цус гэж байхгүй!!! Үүнийг мэдэж ав!!! Монгол хүн гэж бий!!! Үүнийг ч бас мэдэхгүй бол мэдэж ав!!!

Дэлхий дээр 4бүлгийн л цус байдаг бөгөөд энэ нь дэлхийн бүх хүмүүст байдаг цус билээ!!!

Арьс өнгөөр ялгаварлаад байгаа бол гадагшаа гарч явж юм үзэж нүд тайлна уу!!! 21р зуунд бүх зүйл нээлттэй боломжтой болж байгаа цаг үед өөрийгөө хөгжүүлж өөрсдийн амьдралдаа л анхаарахдаа цаг гарга!!!!

Бусдад ерөөж чадахгүй бол зүгээр өнгөрөөж сурах нь СОЁЛ!!!

Тийм би гадаад хүнтэй сууна гэж 14жилийн өмнөх тэмдэглэлийн дэвтэртээ бичиж хүсэж мөрөөдөж байсан үнэн!!! Тэгээд би өөрийн хүслээр жаргалтай байгаа газраа оршино. Олон хүний олон таван үг надад хэрэггүй бөгөөд нөлөөлөхгүй!!!

Бид бүгд нэг ДЭЛХИЙН ХҮМҮҮС гэдгийг ухаараасай билээ!!!

Бодол чинийх

Амьдрал минийх!!!

Анхаарал тавьсанд БАЯРЛАЛАА” гэсэн байна.