Сууж байхдаа ч хийж болох хавтгай гэдэс, нарийхан бэлхүүстэй болгох 7 дасгал

Ямар нэгэн дасгал хөдөлгөөнийг хийхийн тулд фитнес эсвэл биеийн тамирын заал руу явах шаардлагатай болдог. Гэхдээ ихэнхи хүмүүсд ингэж хичээллэх цаг зав байдаггүй нь нууц биш юм. Энэ асуудлын шийдэл нь маш энгийн. Сандал дээр сууж байхдаа ч хийх боломжтой дасгалууд гэж бий.

Ontslog.COM та бүхэндээ оффис эсвэл гэртээ зурагтын өмнө сууж байхдаа ч хийж болох бэлхүүсний дасгалуудыг бэлтгэн хүргэж байна.

7. Бие халаалт

Энэ дасгал нь булчингаа суллахад тусалдаг. Ердөө 5 минут үргэлжлэх дасгал байсан ч бие халаалт заавал хэрэгтэй.

Дасгал хийх техник:

1. Сандалны ирмэг дээр суугаад гараа өвдөг дээрээ тавь.
2. Нуруугаараа хойш бөхийж, гэдсээ татна. Нуруугаа цэх байлгаарай. Таны нуруу сандлын ар хэсэгт хүрч болох ч биеэ суллаж болохгүй.
3. Эхлэх байрлал руугаа аажмаар буцна.
4. 10-12 удаа давтаж хийнэ.

6. Ташааны булчинд зориулсан мушгих дасгал.

Энэ дасгал нь ташааны булчингуудыг ажиллуулдаг.

Дасгал хийх техник:

1. Энд мөн адил эхлэх байрлал ижил байна.
2. Гараа нугалж, толгойныхоо ард авна.
3. Их биеээ баруун тийш эргүүл. Хөл, ташаагаа шулуун, хөдөлгөөнгүй байлгаарай. 3 секунд бариад зүүн тийш эргээрэй.
4. Тал тус бүрт 10 удаа давтаж хийнэ.

5. Урагшаа бөхийх

Энэ дасгал нь уламжлалт мушгих дасгалаас гадна хэвлийн булчинд нөлөөлдөг.

Дасгал хийх техник:

1. Гараа толгойныхоо ард байрлуулж, холбоно.
2. Урагшаа аажмаар бөхийж, буцаж өндийгөөрэй. Хазайхдаа гараараа дэмжиж болохгүй.
3. 15 удаа давтаж хийнэ.

4. Өвдөгөө цээж рүүгээ татах

Энэ дасгал нь ташаа, хэвлийн шулуун булчинг ажиллуулдаг.

Дасгал хийх техник:

1. Эхлэх байрлал: Та аль болох тухтай сандал дээр суугаарай.
2. Нэг хөлөө нугалж цээжиндээ татаж, өвдгөө гараараа барина. Энэ байрлалд 3 секундын турш байгаарай.
3. Эхлэх байрлал руугаа буцна.
4. Хөл тус бүрт 15 удаа давтаж хийнэ.

3. Өвдгөө цээжиндээ татаж, буцаах дасгал.

Хавтгай гэдэстэй болохын тулд та хөлөө заавал оролцуулах хэрэгтэй. Эхлэхээсээ өмнө таны сандал тогтвортой байгаа эсэхийг шалгаарай .

Дасгал хийх техник:

1. Сандал дээрээ налан хөлөө нийлүүлнэ.
2. Өвдөгөө цээжиндээ татаж, 3 секунд барина.
3. Одоо хөлөө тэгшлээд 3 секунд барина.
4. Өвдөгөө аажмаар нугалж, цээжиндээ татаж, дахин шулуун болгоно.
5. Энэ дасгалыг 10 удаа давтана.

2. Өвдөгний нугалсан эргэлт

Энэ дасгал нь хэвлийн булчинг маш сайн ажиллуулдаг.

Дасгал хийх техник:

1. Эхлэх байрлал: Өмнөх дасгалын адил.
2. Нугалж буй өвдгөө цээж рүүгээ татна.
3. Хөлөө эргүүлээрэй. Таны хөл бүхэлдээ (зөвхөн хөлийн хуруу биш) ажиллаж байгаа эсэхийг шалгаарай. Учир нь энэ нь хэвлийн булчингаа шахах хамгийн сайн арга юм.
4. Тал тус бүрт 10 эргэлт хийнэ.

1. “Хайчин дасгал”

Энэхүү зургаан багц дасгал нь ташааны булчингуудад маш сайн нөлөөлдөг.

Дасгал хийх техник:

1. Сандал дээрээ налаад суудлын хоёр талаас гараараа барина.
2. Шулуун байрлалаар хөлөө өргөж хажуу тийш ээлжлэн хөдөлгөнө.
3. Энэ дасгалыг нэг минутын турш хийгээрэй.

Нэмэлт зөвлөгөө

Хэрэв та илүүдэл жингээсээ салахыг хүсч байвал хоолны дэглэмдээ заавал анхаарлаа хандуулах хэрэгтэй. Эдгээр зөвлөмжүүд таныг зорилгодоо хурдан хүрэхэд тусална.

1. Та өөрийнхөө нас, хүйс, амьдралын хэв маягт тохирсон калорийн хэмжээг мэддэг байх хэрэгтэй. Жишээлбэл, суурин амьдралын хэв маягтай 25 настай эмэгтэйд өдөрт 2000-2400 калори илчлэг хэрэгтэй.
2. Таны хоолны дэглэм тэнцвэртэй байх ёстой. Өдөр тутмын хэрэглээний тал хувь нь нүүрс ус, 30% уураг, 20% өөх тос байх ёстойг санаарай.
3. Омега-9 (олеин хүчил) агуулсан бүтээгдэхүүн нь цатгалан мэдрэмжийг уртасгаж, хэт их идэхгүй байхад тусалдаг. Энэ нь чидун жимс болон самрын тос, цацагт хяруул, форел, авокадо зэрэгт баялаг байдаг.